ÅRIM har tre avdelingar; drifts-, kunde- og økonomiavdeling.
Administrasjonen er lokalisert på Moa, lett tilgjengeleg for kundar som har spørsmål om tenestetilbodet. Det administrastive arbeidet er leiing, rådgiving og kunderettleiing innan avfall, slam, gjenvinning og miljø, økonomi og kommunikasjon.
Renovasjonen er på Bingsa i Ålesund. Renovatørar og renovasjonsbilar startar og sluttar arbeidsdagen her. Dei hentar restavfall, papir, plast, matavfall, glas- og metallemballasje heime hos folk.
Miljøstasjonar ÅRIM har eigne tilsette på Bingsa i Ålesund og Nøsa i Haram. Der tek vi i mot kundar som leverer avfall til gjenvinning, og sørgar for at avfallet blir trygt handtert. På dei øvrige miljøstasjonane har vi avtalar med eigarkommunar og underleverandørar som utfører oppgåver for selskapet.