Renovasjon

ÅRIM hentar restavfall, matavfall, papir, plast, og glas- og metallemballasje heime hos kommunane i Ålesundregionen. Ny ordning med dunkar for mat, glas- og metall vil vere innført i elleve av tolv kommunar i løpet av 2018. Ålesund får denne ordninga seinare.

Selskapet som henta avfallet for ÅRIM, RenoNorden, gjekk konkurs hausten 2017. ÅRIM tok da over innsamlinga i eigenregi. Restavfallet blir levert til forbrenning til Tafjord Kraftvarme. Papiret blir sendt vidare til gjenvinning i Tyskland og Nederland på gassdrivne fraktebåtar frå Ålesund. Plastemballasjen blir sendt til plastsorteringsanlegg i Tyskland. Matavfallet skal sendast til Lillehammer der det blir biogass og biogjødsel. Glas- og metallemballasjen blir sendt til Sirkel i Fredrikstad. Glaset blir blant anna til isolasjonsmateriale. Metallet blir brukt til syklar og andre metallprodukt.

Slam

ÅRIM tømmer om lag 11 000 slamtankar, rundt om i kommunane som eig selskapet. Slammet blir brukt til å lage kompost. I dag skjer dette på Vestnes,  ​Vigra, Harøya og i Ålesund. Tankane blir kontrollert ved tømming. Kunda​r som har feil ved anlegga får informasjon om dette.  ÅRIM har kontrakt med Miljøservice, som tømmer alle tankane.

Miljøstasjon

ÅRIM har ansvar for ni miljøstasjonar i Ålesundregionen. Her kan innbyggjarar levere alle typar avfall til gjenvinning. Avfallet som blir levert inn blir trygt behandla og materialgjenvunne i størst mogleg grad. ÅRIM har eigne tilsette på Bingsa og i Haram. I dei andre kommunane har selskapet avtalar med ulike aktørar som utfører oppgåvene.

Mobil miljøstasjon

I første halvår køyrer ÅRIM sin mobile miljøstasjon og samlar inn miljøfarleg avfall der folk bur. Bilen stoppar på tettstadar og ved butikkar.

​Selskapet har også ein mobil miljøstasjon som hentar avfall heime hos folk i Stordal og bygdene Norddal, Eidsdal og Geiranger. ​Innbyggjarane bestiller henting på nettsida til ÅRIM, så kjem den mobile miljøstasjonen på avtalt dag.

Returpunkt

ÅRIM har om lag hundre returpunkt for glas og metall plassert rundt omkring i kommunane. Punkta blir plassert nær der folk ferdast​, nær butikkar, skular, og andre sentrale møtepunkt. Det er meininga å ta desse punkta bort når vi har innført ny ordning for glas- og metallemballasje heime hos folk. Vi har dessverre kostbare utfordringar med opprydding rundt punkta.

Informasjon og haldningsskapande arbeid

Selskapet driv eit aktivt informasjonsarbeid retta mot fleire målgrupper, både eigarar, innbyggjarar og andre. ​Informasjonen gjer folk kjent med tenestetilbodet, og ​har som mål å få mest mogleg avfall til gjenvinning. ÅRIM har også ein del haldningsskapande arbeid, blant anna om marin forsøpling, matsvinn, og for barn og unge som vil lære om avfall og gjenvinning på miljøstasjonen. ÅRIM er også mentor for grûndarar som skal starte ungdomsbedrifter.