Avfallshierarkiet
Avfallshierarkiet er eit berep i norsk avfallspolitikk som fortel kva prioriteringar ein skal følgje i avfallspolitikken. Dette betyr at vi først og fremst skal redusere mengde avfall, deretter gjenbruke. Om vi ikkje kan gjenbruke avfallet, så skal det materialgjenvinnast. Avfall som ikkje kan materialgjenvinnast går til forbrenning eller deponi.
I 2018 vart om lag 40 % av avfallet frå innbyggjarane i Ålesundregionen utsortert til materialgjenvinning eller gjenbruk. Dei siste åra viser Statistisk Sentralbyrå sine tal at sorteringsgraden i ÅRIM har vore litt lågare enn snittet for Møre og Romsdal og ein god del lågare enn snittet for Noreg. Sjølv om den nye kjeldesorteringsløysinga gir eit løft, har Ålesundregionen framleis eit stykke att.
Avfallspolitikken blir i stor grad utvikla innanfor ei fellesuropeisk ramme. EU sitt rammedirektiv om avfall slår fast at avfallshierarkiet skal leggjast til grunn for avfallspolitikken.
Avfallshierarkiet er grunnlaget for norsk avfallspolitikk og er også førande for dei løysingane ÅRIM sett i verk i regionen.