Da ÅRIM vart etablert i 2009, hadde kommunane tolv ulike ordningar for renovasjon. Innbyggjarane hadde dunkar for restavfall og papir, ti av kommunane hadde miljøstasjonar, og to av kommunane hadde miljøstasjonkort til innbyggjarane.
Nytt tilbod med ÅRIM
- 2009 Selskapet vart etablert
- 2010 ÅRIM innførte plastinnsamling, og starta arbeidet med å gjere tilbodet meir likt i alle kommunane
- 2013 Etablering av årleg innsamling av farleg avfall ute i kommunane.
- 2015 Miljøstasjonkort med kvote inkludert i gebyret.
- 2018 Utrulling av ny sorteringsordning i regionen. Eigne dunkar for matavfall, og glas- og metallemballasje
Selskapet driv også eit aktivt haldningsskapande informasjonsarbeid, noko som fører til riktig handtering av avfall, og gir meir kunnskap om miljø.
Prisutvikling i perioden
Om vi bruker Ålesund kommune som døme, ser vi at prisutviklinga i tiårsperioden bortimot følgjer utviklinga av konsumprisindeksen gjennom dei ti åra. Dette er på same tid som innbyggjarane har fått meir sortering, meir avfall til gjenvinning, og slepp å betale når dei leverer avfall på miljøstasjonen.
Kjelde, renovasjonsgebyr: Kostra