Meir avfall i loop
Å arbeide sirkulært handlar om å halde ressursane i bruk så lenge som mogleg. Materiala og produkta er designa med ein tanke om å redusere den samla avfallsmengda. Det betyr større grad av gjenbruk, materialgjenvinning, reparasjon og at produkta blir brukt på ny. Vidare må avfallet bli sortert og samla inn, slik at det er godt eigna for materialgjenvinning. Deretter må avfallet bli forvalta slik at ressursar ikkje går til spille, men brukt i nye produkt igjen. Denne idèen må inn i alle delar av verdikjeda, både hos dei som utviklar, designar, forhandlar, bruker, kastar og, til slutt, behandlar tinga som er blitt til avfall.