Innsamling av matavfall

Matavfallet skal gå til produksjon av biogass og biogjødsel. Biogassen kan brukast i bussar og renovasjonsbilar. Biogjødsel gir næringsstoffa tilbake til matproduksjonen og erstattar kunstgjødsel. Dette betyr at viktige næringsstoff sirkulerer.

• Ressursane i avfallet går i kretsløp fleire gonger.
• Biodrivstoff erstattar fossil diesel - nullutslepp av CO2.
• Bevarer fosfor, ein ressurs vi er avhengige av.
• ​Ifølgje Østfoldforskning er netto klimanytte ved å bruke matavfall i produksjon av biogass til drivstoff i staden for å forbrenne og energiutnytte avfallet som varme ca 800 kg CO2-ekv per tonn matavfall​.
• Les ei meir omfattande utgreiing av  Miljø- og klimanytten som følgje av tiltaka foreslått i strategien.
  ​

Innsamling av glas og metall i eigen dunk

ÅRIM ​gjorde i 2016 ei kundeundersøking, der sju av ti svarte at dei ønska eigen dunk for glas- og metallemballasje.

Erfaringar frå andre selskap som har starta sortering av glas- og metallemballasje i eigen dunk, viser ein auke på rundt 20 % innsamla glas og metall. Samtidig blir mengde restavfall kraftig redusert.

Å gi folk eigen dunk heime  vil også redusere forsøplinga rundt returpunkta. Forsøpling er eit stort og kostbart problem, både for kundane som skal levere avfall, og for ÅRIM som står for oppryddinga.