Lever brukte ting til gjenbruk
No kan du levere gamle syklar, møblar, interiørartiklar, sportsutstyr, verktøy og anna til gjenbruk på ÅRIM sine miljøstasjonar. Det du leverer dit blir brukt på ny. Dette er eit godt miljøtiltak som har vore etterspurt lenge.
ÅRIM har fått på plass gjenbrukstilbod på miljøstasjonane gjennom 2016. No er det berre Breivika miljøstasjon i Sandøy som ikkje har mottak av gjenbruk. Etter kort tid har tilbodet blitt svært populært. ÅRIM har avtalar med ulike aktørar som kjem og hentar ting dei meiner er interessant å selje i sine lokale gjenbruksbutikkar.