Administrasjonen er lokalisert på Moa, lett tilgjengeleg for kundar som har spørsmål om tenestetilbodet. Det administrative arbeidet er leiing, rådgiving og kunderettleiing innan avfall, slam, gjenvinning og miljø, økonomi og kommunikasjon.
Renovasjonen har base på Bingsa i Ålesund. Renovatørane og renovasjonsbilane startar og sluttar arbeidsdagen her. Dei hentar restavfall, papir, plast, matavfall, glas- og metallemballasje heime hos folk.
Miljøstasjonane ÅRIM driv med eigne tilsette, er Bingsa i Ålesund og Nøsa i Haram. Der tek vi i mot kundar som leverer avfall til gjenvinning, og sørgar for at avfallet blir trygt handtert. På dei sju andre miljøstasjonane har ÅRIM avtalar med eigarkommunar og underleverandørar som utfører oppgåver for selskapet.