Restavfallet går til varmegjenvinning

Alt restavfall går til energigjenvinning hos Tafjord Kraftvarme. Dei brukar energien til å produsere elektrisitet, i tillegg til å varme opp boligar, sjukehuset, rådhuset og kontorlokale i Ålesund.

Papp og papir blir til puslespel og pappesker.

Papiret frå Ålesundregionen blir sendt til Nederland. Deretter er papiret ei vare som blir selt til aktørar som lagar produkt av papir i fleire land. Papiret vårt har god kvalitet og kan brukast i mange nye produkt. Det kan for eksempel bli nye esker eller puslespel.

Plastemballasje blir til ny​e plastposar og andre produkt

Plastsekkane vi samlar inn blir sendt på trailer og tog til plastfabrikkar i Sverige og Tyskland. Der blir plasten sortert i ulike plasttypar, og selt vidare til produsentar som brukar plasten i nye produkt. Døme på dette er plastposar, plastdunkar, kjøkkenreiskapar og så vidare.

Glas blir til isolasjon. Metall blir til nye syklar

Glas og metallemballasje blir sendt til eit anlegg på ​Øra i Fredrikstad.

Resirkulert glas blir brukt som råstoff både til Glasopor skumglas, Glava isolasjon og det blir eksportert til glasverk i Europa der dei lagar nye glasprodukt.

Innsamla stål og aluminium går til gjenvinning ved at det blir sendt til smelteverk i Noreg og i utlandet. Her går metallet inn i marknaden for metall, og blir blant anna brukt i syklar, aluminiumsfolie eller hermetikkboksar.

Matavfallet blir til biogass og biogjødsel

Matavfallet vi samlar inn blir sendt til Mjøsanlegget i Lillehammer. Dei lagar biogass som erstattar diesel, og biogjødsel som erstattar kunstgjødsel.